彩晶軒

Open Now

Now Closed

難得放假但唔知點解訓唔得晏，晨早起左身，搵個早茶歎下啦。九製陳皮叉燒酥呢個係必叫既點心，皮薄餡靚， 叉燒酥上面仲有陳皮碎解膩，好味。涼瓜魚蓉餅涼瓜切到細細粒，剛熟咬落爽口，魚餅煎得金黃香脆。煎釀虎皮尖椒又係煎得好好，尖椒同魚肉兩邊都睇落金黃，食落香脆，最怕煎到林灑既尖椒。三姐巧釀潮州粉果個皮又係超薄，睇到一面餡料脹卜卜，好足料。蠔皇香芋鴨腳扎呢個比較遜色，入面塊肉肥肉比較多，自己麻麻地肥肉，鴨腳偏薄身，同埋未夠入味。總括黎講點心都好精緻，可以再黎。