鋿晶館

Open Now

Now Closed

平時都鍾意飲茶食點心，但晏晝未必有時間去飲茶，於是今晚就特登搵咗依間夜晚都有得食點心嘅餐廳試下！除咗點心之外原來仲有蒸飯、燉湯，選擇都幾多！飲茶一定叫蝦餃（$19）先，好大粒蝦，個皮幾薄同滑！潮州粉果（$16），個皮好煙韌，一咬真係爆餡咁滯！而且個餡已經好夠味，都唔需要另外加醬油食。鮮竹牛肉球($26)，好嫩滑，另外入面嘅馬蹄仲保持到爽脆多汁，正！鳳爪排骨飯（$28），平平地已經食到個飯，正常水準啦！最後仲叫左個脆炸北海道鮮奶（$18），都幾驚喜，好大舊！而且好酥脆，個鮮奶味道都好濃好香。後尾店員同我地講依到係自家製品牌，全部點心都係即叫即整嘅手工點心黎，師傳仲係日本東京富麗華做左好多年，專為高管達人同明星服務，係香港都係好多間米芝蓮酒店及大型連鎖酒樓集團做主管，難怪啲野食性價比咁高！都值得試下。