鍾菜 (Closed)

家住九龍灣，於是星期六休息巳一早約個街坊去返附近嘅酒樓飲早茶，終於揀咗呢間喺九龍灣宏遠道1號九龍大廈嘅鍾菜酒家，門面好特別全部都用玻璃設計，外表睇似個酒吧，地方寬敞，環境幽靜。雪櫃裏有很多琳琅滿目嘅甜品。最特別嘅係個廚房，全部都用玻璃做城牆，透明度極高，可以睇住晒啲廚師煮嘢，好乾淨又衛生。我最鍾意食佢呢款拉布腸，特別軟熟、滑溜又有口感。其次就係啲碗鯪魚丸生菜粥，鯪魚丸夠彈牙，粥底又稀結適中，最緊要係夠晒熱棘棘。仲有其他點心，好在有啲點心每碟有兩款，可以食多幾款。最後重叫咗紅棗糕甜品，煙煙靱靭又甜度適中，感覺滿足😋👍