中式小菜, 適合一家大小聚餐, 又或者…啤啤佢! 話明係私房菜, 咁就等輝哥發版啦…應該無乜怪嘢既…店員更會視乎乎終於人數調整份量價錢!
金蒜脆皮德國豬手 ~ 大大的一隻豬手! 外皮脆卜卜, 咸咸香香, 中間脂肪入口即化唔油膩, 肉質軟嫩, 配上金蒜…送酒一流!
盛宴小炒王 ~ 好多料的! 有鮮蝦, 蝦干, 蝦米, 腰果, 鮮魷魚, 叉燒, 咸酸菜, 脆魚仔, 韮菜花! 唔油膩, 有穫氣, 好香口! 另一送酒選擇!
椒鹽九肚魚 ~ 超香脆, 炸粉薄! 同坊間一般九肚魚處理方法不同, 呢度係開邊去骨所以魚身亦比較薄, 亦相對香脆!
燒汁牛魔王 ~ 牛柳粒好軟滑, 無用鬆肉粉, 外層煎至金香, 內裡仍保留肉汁! 豆爽脆, 軟硬適中, 其他椒我就無食到喇….
生磨龍皇大杏燉豬肺 ~ 超香杏味! 同坊間見到奶白色豬肺湯唔同, 反而有白色粒粒浮面, 細問之下原來白色粒粒係生磨杏仁而來, 唔怪得咁香啦! 媽媽話豬肺處理得好好, 好滑好乾淨, 成個湯好甜, 仲要無加味精….呢啲天氣飲, 養顏一流啊!
