紅葉茶屋 (T.O.P This is Our Place) (Closed)

同朋友係旺角新之城行完街就黎左呢個新商場，見到紅葉茶屋既食物幾吸引就攞左飛等位，大概15分鐘就有位。朋友叫左個照燒三文魚定食，定食有一碗湯、兩個前菜。三文魚份量幾大，亦都煎得幾香，魚肉唔會乾。連埋白飯吃就算大食既人都會幾飽。南瓜前菜個人覺得好好味，少少南瓜蓉既感覺。我就叫左個海鮮四色茶漬飯，有三文魚、吞拿魚、甜蝦同三文魚子。魚生好新鮮，幾有驚喜。食左少少就加左茶，雖然茶既味道幾香，但同魚生一齊食有少少唔夾，個人黎講唔加茶好味啲。食完主食已經好飽食唔落甜品，但下次都有興趣再去試下佢既甜品。整體而言價錢幾抵食，食物質素都好好。