Hungry Elephant (Closed)

一年前曾經嚟過這裏惠顧， 印像一般， 但杯熱咖啡十分出色！今回到來午飯，發覺餐牌有改變；以前只得 A La Carte，現在有午餐，即連飲品，還有追加小食！我點了巴東牛肉飯及凍奶茶，太太點了生牛肉河及熱檸檬水； 生牛肉賣曬， 唯有轉熟牛肉啦。巴東牛肉的牛展肉， 十分淋滑！ 但係個汁好奇怪， 淡咖哩加勁重椰奶， 完全一啲都唔辣！份量迷你， 或者可以講話係下午茶份量。 熟牛肉其實係三件牛腩， 有兩件很夠淋。熱檸檬水夠熱， 但係凍奶茶嘅茶低很淡， 加咗奶之後變咗凍奶水！是次餐飲經驗一般， 如果天氣唔係咁熱， 都係飲熱咖啡好啲。