Video
Read full review
2022-12-19
73 views
川滬居（天后）今日到天后食上海菜～喺門口睇睇餐牌先，見到餐廳食物選擇多，而且價錢合理，一於試一試。餐廳環境舒適，坐得舒服。1.雞絲粉皮$58雞絲粉皮係一款好出色嘅前菜，佢非常開胃、清新。粉皮滑捋捋，並沾滿醬汁。雞肉鮮甜美味。花生醬超多，食落味道好濃郁。2.瑤柱蛋白薑粒炒飯$76炒飯好有鑊氣，飯粒粒粒分明，質地乾爽。蛋白份量多，炒得好香。薑粒令炒飯更香，更增加咗唔少口感。3.鮮肉小籠包4隻$48小籠包粒粒都脹卜卜，好飽滿。小籠包肉汁多，味道濃郁又鮮甜。鮮肉新鮮、嫩滑。4.黃金明蝦球$108黃金蝦球好惹味！蝦球大隻，新鮮彈牙。出面裹滿鹹蛋黃醬，非常出色！鹹蛋黃醬好香，而且有沙沙地嘅質地。5.鮮肉鍋貼4隻$50鍋貼煎得非常香脆，皮薄餡靚，一咬落去肉汁都爆曬出嚟！6.擔擔麵$55擔擔面好抵食，都幾大碗。湯汁方面，花生醬味濃郁，帶少少辣味。麵條幼細，質地順滑，好掛湯。
今日到天后食上海菜～喺門口睇睇餐牌先，見到餐廳食物選擇多，而且價錢合理，一於試一試。餐廳環境舒適，坐得舒服。
1.雞絲粉皮$58
雞絲粉皮係一款好出色嘅前菜，佢非常開胃、清新。粉皮滑捋捋，並沾滿醬汁。雞肉鮮甜美味。花生醬超多，食落味道好濃郁。
2.瑤柱蛋白薑粒炒飯$76
炒飯好有鑊氣，飯粒粒粒分明，質地乾爽。蛋白份量多，炒得好香。薑粒令炒飯更香，更增加咗唔少口感。
3.鮮肉小籠包4隻$48
小籠包粒粒都脹卜卜，好飽滿。小籠包肉汁多，味道濃郁又鮮甜。鮮肉新鮮、嫩滑。
4.黃金明蝦球$108
黃金蝦球好惹味！蝦球大隻，新鮮彈牙。出面裹滿鹹蛋黃醬，非常出色！鹹蛋黃醬好香，而且有沙沙地嘅質地。
5.鮮肉鍋貼4隻$50
鍋貼煎得非常香脆，皮薄餡靚，一咬落去肉汁都爆曬出嚟！
6.擔擔麵$55
擔擔面好抵食，都幾大碗。湯汁方面，花生醬味濃郁，帶少少辣味。麵條幼細，質地順滑，好掛湯。
Post
