Man Yuen Restaurant (Under Renovation)

黃大仙，除左黃大仙祠真係無乜點踏足過，呢日朋友介紹，發現天馬苑新開中菜，真係hello hongkong!

平平無其乜都無既商場，竟然有間咁別緻既中菜廳！門口大大牌匾，落地大玻璃，木系裝潢，極高樓底配上竹簍燈飾，感覺很恬靜，而且枱與枱分隔很濶，座位很舒適！

前菜有蘋果蜜餞雞肝撻，食得出師傅用心配搭！口感味道都好掂!

4

蘋果蜜餞雞肝撻

叉燒肥瘦均勻，略帶焦香，肉質彈牙!

蜜汁叉燒皇

Book枱時已經被片皮鴨深深吸引，睇住師傅即席切片已經好想食，片皮鴨外皮酥脆鬆化而且肉質嫩滑！第一次食片皮鴨加桂花糖，估唔到原來咁爽咁好味！桂花糖香甜食口感更豐富！真心推薦！

2

片皮鴨兩食之一

二食既生菜包亦令人印象深刻！肉味香濃，牛油果莎莎醬中西合壁，互不搶味，食落零負擔，小鬆軟但又有生菜既脆口

片皮鴨兩食之二

鵝掌可能好多中菜廳都有，但柚皮做到好食真係唔多，上一輩既人成日話柚皮工序繁複，所以好少地方有重要做得好味，柚皮非常鬆軟和入味，入口即溶，鵝掌軟軟綿綿，香濃的湯與醬汁直頭perfect match

蝦籽慢煮柚皮扣鵝掌

焦糖菠蘿咕嚕五花腩亦都好想推薦俾大家，一啲都唔油膩，完全唔係啖啖肥膏個種，外面香脆可口，入面肉嫩有驚喜，食埋個焦糖菠蘿更惹味

焦糖菠蘿咕嚕五花腩

豆醬雞香得黎調味合到好處，值得一試

豆醬生焗雞

估唔到平平無其既屋邨商場都有咁高質既餐廳！連小食合桃同XO醬都好好食！


新開張始終有少少甩漏，不過味道好性價比高勝於一切😂好期待下次可以試下呢度既點心！

1

1