古今二 (荃灣千色匯I) (Closed)

媽咪好鍾意食日本野，趁放假帶佢黎荃灣買海味同食好野。龍捲風沙律份量好澎湃啊，啲蟹柳同蟹籽堆到高一高好吸睛。沙律醬份量都啱啱好唔會太濕，全部材料撈埋一齊食好清新。金龍卷三文魚、忌廉芝士、炸蝦同埋沙律醬呢個配搭簡直係無敵，好有鮮味，炸蝦都唔會太過油膩。蜘蛛睇個名都估唔到係啲咩，其實係炸軟殼蟹卷，有我最鍾意食嘅牛油果，配埋酸薑食好正。兩個壽司卷份量都好多，食完都差唔多半飽。燒牛舌、雜錦天婦羅燒牛舌有幾塊厚身啲，好有咬口，鹹味都啱啱好。炸蝦粉漿有啲厚，不過炸到好脆。秋葵蝦肉天婦羅口感特別，又爽口有滑滑地，味道清淡左小小。