Video
Read full review
2019-07-17
99 views
今日同男朋友去尖沙咀行街，行之前要醫一醫肚，揀咗呢間叫做「靖」嘅高級日本餐廳試試，點知好有驚喜！下面係餐廳嘅lunch set menu，都幾多選擇，我同男朋友都揀咗廚師精選壽司九貫（$270）正式食壽司之前有啲前菜食吓，先嚟係呢個脆嘅鱈魚片，真係唔好講笑，呢個鱈魚片真係一試難忘，好香好脆，我同男朋友都讚不絕口！另外仲有少少刺身同沙律：今日嘅廚師精選：第一round要由左邊食起：帶子、石門鯛、海膽加深海池魚：全部壽司都已經有豉油同wasabi，全部都好鮮味 😍第二round都係由左邊食起：海膽、醬食吞拿魚、拖羅：啲海膽多到要瀉咁濟 😍第三round由下面食起：鱈魚、赤目、右口魚：左口魚食得多，右口魚真係好少食得到，但原來佢係勁肥美，咬落去啖啖魚油，好令人驚喜！最右邊係吞拿魚蓉飯，加咗啲黃色嘅脆卜卜入去，撈埋一齊食好有口感！之後仲有麵豉湯、茶碗蒸同焦糖大福做甜品，成餐都好滿足！
下面係餐廳嘅lunch set menu，都幾多選擇，我同男朋友都揀咗廚師精選壽司九貫（$270）
正式食壽司之前有啲前菜食吓，先嚟係呢個脆嘅鱈魚片，真係唔好講笑，呢個鱈魚片真係一試難忘，好香好脆，我同男朋友都讚不絕口！
另外仲有少少刺身同沙律：
今日嘅廚師精選：
第一round要由左邊食起：帶子、石門鯛、海膽加深海池魚：全部壽司都已經有豉油同wasabi，全部都好鮮味 😍
第二round都係由左邊食起：海膽、醬食吞拿魚、拖羅：啲海膽多到要瀉咁濟 😍
第三round由下面食起：鱈魚、赤目、右口魚：左口魚食得多，右口魚真係好少食得到，但原來佢係勁肥美，咬落去啖啖魚油，好令人驚喜！
最右邊係吞拿魚蓉飯，加咗啲黃色嘅脆卜卜入去，撈埋一齊食好有口感！
之後仲有麵豉湯、茶碗蒸同焦糖大福做甜品，成餐都好滿足！
Post
