天池日式放題 (Closed)

早排去旺角，見呢間舖頭新開張，就諗住再嚟旺角時幫襯。因為仲係新開張時段，所以有特別優惠，仲有個88蚊升級優惠，呢度係用電話上網落單，感覺同大陸餐廳嘅玩法差不多，好方便。落咗單都好快上菜，食物少少少少咁上，好精緻，唔會好似一般放題咁大堆頭，感覺都高級啲，刺身同壽司同一般日式放題質素差不多， 但擺款有心思，燒物做得很出色，估唔到熱食會比冷盤更好味。另外，自助吧檯有涼拌小食，甜品，自助啤酒 等。另一邊，仲有汽水同雪糕任食。可惜汽水款式較少。值得一提，侍應年紀有返咁上下，但服務細心，快捷，且留意到客人需要。