叫左至尊無骨海南雞飯($30)，加雞($15)，馬拉肉骨茶配白飯($50)。
海南雞飯既雞件好滑，而且雞皮爽口，我本身唔鍾意食雞皮，但食海南雞唔食d皮有d怪，所以試一試。唔油膩之餘，d雞仲keep住有肉汁。油飯唔會過於油，已經幫你落左豉油，亦附送清甜既冬瓜湯。望落細細碗，但其實有好多飯。
馬拉肉骨茶既湯底有濃濃既藥材味，入口先係藥材味，之後飲到甜甜地，因為前幾年係馬來西亞飲過之後，就再冇試過肉骨茶，所以我唔清楚正宗既做法。但尼個湯甜甜地甘甘地，而且飲完唔會口渴，值得一讚。肉骨選擇既係平時京都骨個個部位，d肉好容易就可以咬出黎，煮得好"林"，而且吸哂d湯既味，有3-4件肉骨。另外，湯料仲有冬菇，豆卜，花生，原粒蒜。
有支裝自家製飲品薏米水，有碟豆花，見到有人叫，不過當日冇試到。
