刺身三盛，分別有三文魚、油甘魚、帆立貝，全部都好新鮮，入口好鮮甜，三文魚好肥美。
麻醬番茄豆腐沙律，有一碟麻醬可以自己按分量加落沙律，朋友唔食麻醬，而我就好鐘意麻醬，所以好貼心，番茄新鮮開胃，豆腐香濃嫩滑。
而炸物都唔錯，幾香口，辣味豆腐炸得幾香，熱辣辣，不過就唔算好辣，炸蓮藕片脆卜卜，好正。
壽司盛合，有油甘魚、北寄貝、鯛魚、海膽、吞拿魚等等，非常豐富，我比較喜歡海膽同吞拿魚，海膽入口甘香， 吞拿魚味道鮮甜。
鮑魚殼燒同蟹肉甲羅燒都係由店員即席燒，兩者都好驚喜，鮑魚新鮮爽口，甲羅燒嘅蟹膏入口惹味，加上黑松露、蟹肉、鵪鶉蛋燒，味道濃郁有層次。
