呢間新開嘅小清新日本料理店座落係金巴利街(｡･ω･｡)ﾉ！唔好好似我咁大頭蝦行咗去金巴利道搵極都搵唔到( ･᷄ὢ･᷅ )如果行啱路嘅話好快就行到。
海之幸丼🌊
呢個丼集合咗我最鍾意嘅三文魚、甜蝦、帆立貝同海膽，一次過滿足晒4個願望(⁎⁍̴̛ᴗ⁍̴̛⁎)甜蝦同帆立貝都非常鮮甜同新鮮，三文魚今次切咗魚腩，好香魚油味٩(˃̶͈̀௰˂̶͈́)و海膽都幾creamy，整體魚生都幾不錯！下面嘅丼飯仲有菇、蟹柳同紫菜，唔會得魚生咁單調，呢樣十分抵讚！
豪華海之寶石丼💎
呢間餐廳啲名全部都改得好好聽'(*ﾟ▽ﾟ*)其實姐係角切魚生飯，咩都有少少(三文魚、吞拿魚、海膽、甜蝦等等)，輕微炙燒面頭嘅魚生，下面嘅丼飯同樣有菇、蟹柳同紫菜。如果咩都想食少少嘅話呢個飯就啱你喇ʕ •ᴥ•ʔ
午市套餐包：
茶碗蒸🍵
個杯好靚(⁎⁍̴̛ᴗ⁍̴̛⁎)有啲瑤柱係面，個蛋都幾滑，入面有菇同一粒帆立貝仔。
沙律🥗
一條條個啲應該係薯條嚟！估唔到加落沙律都幾好食٩(˃̶͈̀௰˂̶͈́)و
麵豉湯🥣
甜品🍽
今日嘅甜品係日式黃豆粉蕨餅，食咗咁多嘢都唔會覺得濟，好滿足٩(˃̶͈̀௰˂̶͈́)و
