今次目標係上次搵唔到嘅「穴藏」。停車場可以直接搭𨋢上到UG。其實原來好易搵。
對比起上次去錯的「千両」，裝修各有特色，都算係大氣舒適。穴藏比較光猛啲。
1
穴藏menu 選擇明顯較多，價位亦浮動好大。我最後都係健康地選了特上壽司。
有沙律小食。
味增湯。以呢個格局的日本餐廳來講好普通。大概一般包裝沖水嘅水準。
日式蒸蛋就幾出色。比較濃厚，蛋味與鮮味都足夠。
主菜壽司。有 8 件壽司、1件玉子、3 件小卷。夠晒飽（同事點了更高級$298的「極上壽司霜燒御膳」則只有10件壽司）。穴子（鰻魚）係招牌菜，係有一整條鰻魚，好滿足，鰻魚汁唔算多，可以食番鰻魚原味亦較健康。讚。其他壽司都高質。
老闆點了$188的「美國產照燒牛扒御膳」都好靚。
呢餐我請啦。埋單 $763。好滿足～ 返去就要收拾心情準備做好餘下3個月嘅工作喇。
