古今二 (The ONE)

Open Now

Now Closed

之前試過港島嘅分店，質素有保證，今日去咗尖沙咀行街，搵食嘅時候見到另一分店，當然入去輕食試吓。埼玉網燒牛舌: 食落鹽味啱啱好。沒有一點騷味，油脂分布得好均衡，煙煙韌韌，口感十足。野菜天婦羅：廚師功夫唔錯，金菇炸得好特別，外表看似珊瑚，兩件茄子及一大件既冬菇下面原來有三件好鮮甜嘅紫薯。炸物面層既炸衣薄得黎又好鬆脆，突出左材料既鮮味，食完唔會覺得滯。日式麻醬豆腐沙律：估唔到沙律係咁大碟。沙律汁酸酸甜甜好開胃。除咗沙律菜外，仲有日本豆腐、海藻及車厘茄。日本豆腐好滑表面加上了三文魚籽、魚籽、黑白芝麻等食材，突出了豆腐的味道。蜘蛛：廚師花咗好多心思去裝飾，連個wasabi 上面都放咗一啲花瓣，賣相用心。軟殼蟹卷物好脆，加埋青瓜、牛油果、蟹柳 ，是卷物的最佳配搭，美味可口。