名館 (希慎廣場) (Closed)

睇完戲同朋友嚟到銅鑼灣時代廣場嘅名館，呢度出名食精緻嘅中餐。京川汁秋葵$48 簡單一道秋葵冷盤，擺款都特別精緻，秋葵爽口得嚟去除咗青味，煮得恰到好處。冰鎮鮮波蘿咕嚕肉 $138唔單止賣相拎滿分，咕嚕肉都同平時食嘅唔同，咕嚕肉就好似包上一層糖衣一樣，甜甜酸酸，,咬落肉質腍滑，口感一流！精緻點心拼盤$128幾款炸物香脆可口，其中我最鍾意嘅係炸蘿蔔絲，外層鬆化內裏軟綿綿。蝦餃皮晶瑩剔透，鮮蝦爽口彈牙，有水準。黄金蝦球$118 熱辣辣嘅黃金蝦球，奇脆無比，鹹蛋黃夠多，咸香惹味。四季椰子肉雞湯$68 椰子雞湯湯色清澈，飲落啖啖鮮味，睇湯渣就知道落足料呀。