甜藝家 (Closed)

去棉登徑食晚飯前，响K11逛咗一陣街，經過呢間餅店，見門面幾吸引，入去睇睇有無啱過年送禮用。店內擺放琳瑯滿目的曲奇，仲有非常吸睛嘅蝴蝶酥，仲有賀年禮盒可供選擇，有部份產品可以試食，食過啱口味先至買，一定唔會買錯啦。先買迷你蝴蝶酥和紅莓乾曲奇回去，迷你蝴蝶酥$118蝴蝶酥球狀包裝好可愛，底部就是一個蓋，打開蓋，把球體放在蓋上，這樣拿蝴蝶酥出來就好方便。迷你蝴蝶酥有好多塊，顏色金黃，口感酥脆，細細件，一邊做嘢一邊食，忍唔住一件接件咁食。紅莓乾曲奇$78內裡小方塊曲奇數量頗多，大約有35件。曲奇鬆脆可口又唔會過甜，紅莓乾香軟微酸夾在曲奇內，清新又好味。據說店家主要產品係用有機麵粉、法國AOC牛油、海藻糖等製造，又無防腐劑，比較健康，稍後可以再來買過年禮盒。