京都一の傳 (Closed)

女兒生日，好自然又想起日本料理，而家食飯最重要餐廳抗疫用心，同埋位置理想，海洋中心有六小時免費泊車就極理想。做過功課，壽喜燒是必點的，雖然冇京都食過嘅正宗，都可以比九十分。有驚喜嘅係海膽啫哩，鮮甜可口。吉列和牛份量大，味重。吞拿魚蓉，海膽牡丹蝦小船新鮮。當然，西京燒銀雪魚不能不吃，香滑。總結，質素高，服務非常好，環境舒適，唯獨消費頗高，幸好OpenRice有八折優惠，可以一去。