Video
Read full review
2025-01-10
482 views
最近心情吾係太好，想搵個地方靜靜地療癒一下自己，結果就發現左呢間位於葵芳既「The Pantry Cafe」。呢度既環境好chill，擺設簡單卻有品味，好岩一個人慢慢放鬆，仲有朋友話呢度既甜品一試難忘，所以決定過黎親身感受下！ .Crispy Pork Burger $105試左佢地既Crispy Pork Burger，選用既係吉列日本豬柳，豬柳真係目測有2cm厚，炸得外脆內嫩，d肉汁鎖得好實，咬落去吾會乾。漢堡包夾住椰菜、酸青瓜同芝士，酸青瓜比到少少清新感覺，中和左豬柳既濃郁味道。豬柳同芝士融為一體，口感豐富又有層次，超有滿足感！加多$25仲有香脆粗薯條，一定要追加，粗薯條香口又夠份量，份外過癮！ ,Pulled Pork & Pineapple Pizza $168手撕豬肉同菠蘿既組合其實好容易踩雷，但呢個Pulled Pork & Pineapple Pizza絕對係驚喜！pizza批底係中厚批，咬落去又脆又煙韌，質感非常好。上面鋪滿左手撕豬肉，肉質鮮嫩，味道香濃，再加上菠蘿既微酸甜，平衡得岩岩好，完全吾會覺得突兀。紅洋蔥既辛甜味同濃郁芝士融埋一齊，真係每一啖都充滿層次感，
最近心情吾係太好，想搵個地方靜靜地療癒一下自己，結果就發現左呢間位於葵芳既「The Pantry Cafe」。呢度既環境好chill，擺設簡單卻有品味，好岩一個人慢慢放鬆，仲有朋友話呢度既甜品一試難忘，所以決定過黎親身感受下！
.
Crispy Pork Burger $105
試左佢地既Crispy Pork Burger，選用既係吉列日本豬柳，豬柳真係目測有2cm厚，炸得外脆內嫩，d肉汁鎖得好實，咬落去吾會乾。漢堡包夾住椰菜、酸青瓜同芝士，酸青瓜比到少少清新感覺，中和左豬柳既濃郁味道。豬柳同芝士融為一體，口感豐富又有層次，超有滿足感！加多$25仲有香脆粗薯條，一定要追加，粗薯條香口又夠份量，份外過癮！
,
Pulled Pork & Pineapple Pizza $168
手撕豬肉同菠蘿既組合其實好容易踩雷，但呢個Pulled Pork & Pineapple Pizza絕對係驚喜！pizza批底係中厚批，咬落去又脆又煙韌，質感非常好。上面鋪滿左手撕豬肉，肉質鮮嫩，味道香濃，再加上菠蘿既微酸甜，平衡得岩岩好，完全吾會覺得突兀。紅洋蔥既辛甜味同濃郁芝士融埋一齊，真係每一啖都充滿層次感，好滿足！
.
Mint Chocolate Milkshake $59 & Fresh Orange Juice $46
薄荷朱古力奶昔絕對係signature！頂層仲有厚厚既cream，奶昔入口既時候，薄荷既清香同朱古力既濃郁岩岩好平衡，吾會過甜，飲落好refreshing又帶少少甜品既感覺。至於橙汁就係freshly squeezed既，酸酸甜甜，飲得出係用靚橙整，岩晒想清清口既人。兩杯飲品都係水準之作，值得一試！
.
Chocolate Banana Pancake $125
黎到The Pantry Cafe，點pancake真係一定冇錯，呢款Chocolate Banana Pancake可以話係成餐飯既highlight！兩層Ricotta厚班戟質地鬆軟又有蛋香，淋上濃郁既朱古力醬，頂層係朱古力布甸同朱古力雪糕，齊齊帶出濃濃既朱古力香氣。旁邊仲有焦糖香蕉，焦香味十足，焦糖層再加埋布朗尼蛋糕、藍莓同草莓，每樣都吾同口感但完美融合，擺盤靚到想影十張相！每一啖都係甜而不膩，好有心思，真係一定要試一次！
Post
