Amusement Eatery (Closed)

# 南美eatcovery #長沙灣eatcovery💡精緻南美菜主打南美菜嘅餐廳好少見，原來長沙灣都有一間，仲要幾高質，未食過南美菜嘅非常值得一試，絕對唔會令你失望！🍽秘魯特色燒有機走地雞餐廳選用澳洲走地雞，用南美特製香料醃製，肉質鮮嫩juicy，香料味道入晒雞到，就咁食已經好好食。食得辣嘅可以配埋餐廳自製嘅辣醬，食落更惹味！配菜都冇求其，有粟米、秋葵、紫薯等，非常豐富。🍽烤伊比利亞豬肉串燒配羅望子汁串燒以垂吊形式一拎出嚟已經非常搶眼！豬肉肉質厚實，配上平日較少機會食到嘅羅望子醬，羅望子汁薑味香濃，同豬肉味道出奇地夾！配菜有燒菠蘿，燒得啱啱好，多汁，非常驚喜。另外配上炒紅椒、洋蔥，加上特別嘅醬汁，酸味味，食完大大串肉都唔會滯。🍽蟹蓉忌廉芝士炸雲吞雲吞皮好薄，炸得啱啱好，非常脆口，一入口忌廉芝士非常creamy，送酒一流🍽Yebisu Premium Japan beer今次試咗一隻日本啤酒，一入口麥味香濃，口感十分濃厚。🍽熱情果手搖水果茶餐廳水果茶有唔同味道，今次揀咗熱情果味。熱情果嘅甜酸味同茶味平衡，甜度適中，香甜清新。