Video
Read full review
2024-01-16
259 views
前排同朋友去咗尖沙咀H Zentre嘅家全七福慶祝生日，地點方便。店內寬敞舒適裝潢雅致，好高檔。因為我同朋友都有選擇困難症，所以我地試咗家全七福Testing menu盛惠$1000/位。店員友善，服務態度殷勤。前菜 雞子渣 - 經炸後入口外脆內嫩。 皮蛋醬蘿蔔 - 蘿蔔鮮甜爽脆，皮蛋流心甘香夾，味道非常夾。 蜜汁燒脆鱔 - 鱔片香脆可口，加埋蜜汁更鮮甜。湯品 雞蓉燴官燕 - 用料豐富燴煮而成雞茸同官燕，口感豐富啖啖雞茸同官燕，濃郁鮮甜而且官燕順滑，口感豐富！釀焗鮮蟹蓋 - 蟹拆肉加埋洋蔥絲釀再放返入蟹蓋，釀後再焗炸到金黃香脆，粉漿薄，蟹肉伴上洋蔥絲，蟹肉好多。燒雲腿片拼炒乳鴿脯（原為燒雲腿大地田雞片）- 朋友唔中意食田雞，隨意問下可唔可以轉另一樣嘢，店員好好人。乳鴿份量多，嫩滑多汁，仲有啲蔬菜同金華火腿。水煮手切牛肉 - 牛肉嫩滑，有少少麻辣好惹味，加埋三色彩椒真係色香味俱全。油雞樅菌炒四季豆 - 雞油炒好有油香味，四季豆青綠爽口，油雞樅菌鮮甜，簡單可口。瑤柱荷葉飯 - 飯身用荷葉包住好入味，啲飯香噴噴粒粒分明，食落軟糯又有彈性。仲有瑤柱同一啲蟹肉，足料。生磨合桃露 - 合桃味濃又唔
前菜
雞子渣 - 經炸後入口外脆內嫩。
皮蛋醬蘿蔔 - 蘿蔔鮮甜爽脆，皮蛋流心甘香夾，味道非常夾。
蜜汁燒脆鱔 - 鱔片香脆可口，加埋蜜汁更鮮甜。
湯品
雞蓉燴官燕 - 用料豐富燴煮而成雞茸同官燕，口感豐富啖啖雞茸同官燕，濃郁鮮甜而且官燕順滑，口感豐富！
釀焗鮮蟹蓋 - 蟹拆肉加埋洋蔥絲釀再放返入蟹蓋，釀後再焗炸到金黃香脆，粉漿薄，蟹肉伴上洋蔥絲，蟹肉好多。
燒雲腿片拼炒乳鴿脯（原為燒雲腿大地田雞片）- 朋友唔中意食田雞，隨意問下可唔可以轉另一樣嘢，店員好好人。乳鴿份量多，嫩滑多汁，仲有啲蔬菜同金華火腿。
水煮手切牛肉 - 牛肉嫩滑，有少少麻辣好惹味，加埋三色彩椒真係色香味俱全。
油雞樅菌炒四季豆 - 雞油炒好有油香味，四季豆青綠爽口，油雞樅菌鮮甜，簡單可口。
瑤柱荷葉飯 - 飯身用荷葉包住好入味，啲飯香噴噴粒粒分明，食落軟糯又有彈性。仲有瑤柱同一啲蟹肉，足料。
生磨合桃露 - 合桃味濃又唔會太甜，食落口感細滑。
鴛鴦棗蓉糕 - 棗味濃，勁煙韌。
懷舊芝麻卷 - 兒時回憶，芝麻味香濃又有彈性。
Post
