Video
Read full review
2022-08-12
421 views
聞名已久嘅大公館，今晚終於約到朋友一齊嚟試！ 總共叫咗九道菜，大快朵頤。先有爽口嘅年藕做餐前小食。川味口水竹絲雞涼拌竹絲雞十分少見，川式風味香香辣辣，竹絲雞比普通雞雞味更濃！金甲脆魚皮咸蛋黃薄薄粘滿脆魚皮，陣陣咸蛋黃香但唔會膩，魚皮夠鬆脆。翡翠酸辣花膠凍金箔顯高貴，黑色圓珠係甜醋，整個啫喱凍似係將花膠湯煮到粘身起膠凝固，再鋪試上綠色嘅西蘭花碎，設計非常特別！入口膠質十足，味道酸酸甜甜，花膠味頗濃，有趣嘅開胃前菜！三色藜麥金沙蝦球非常大件！入面原隻大蝦球！啖啖爽口彈牙，而且食得出新鮮蝦味，超抵食！香茅沙薑銅盤焗龍躉球焗龍躉球用錫紙封好，上枱時吱吱聲，一剪開個吓香味沖出真係聞到流哂口水！香茅砂薑味都好出，雖然香茅墊底，但味都完全滲入魚肉，帶出龍躉厚實鮮味。脆米蒜香雞賣相好有氣炸質感，配上炸米，外脆內軟又不失油香。雞肉嫩滑充滿蒜味，佢嘅咸香非常惹味。豆漿杞子鮮黑腐竹浸時蔬第一次見豆漿芡同黑腐竹！黑腐竹味道無咁甜，而且比起一般腐竹硬身，唔會浸到一夾就散，娃娃菜浸豆漿出奇地好食！金瑤櫻花蝦蛋白炒飯炒飯唔會過油，但飯粒仍然香軟柔潤，而且每啖食到蛋白同瑤柱絲。而且鋪滿櫻花蝦，蝦味香濃！清心柚子糕非常
先有爽口嘅年藕做餐前小食。
川味口水竹絲雞
涼拌竹絲雞十分少見，川式風味香香辣辣，竹絲雞比普通雞雞味更濃！
金甲脆魚皮
咸蛋黃薄薄粘滿脆魚皮，陣陣咸蛋黃香但唔會膩，魚皮夠鬆脆。
翡翠酸辣花膠凍
金箔顯高貴，黑色圓珠係甜醋，整個啫喱凍似係將花膠湯煮到粘身起膠凝固，再鋪試上綠色嘅西蘭花碎，設計非常特別！入口膠質十足，味道酸酸甜甜，花膠味頗濃，有趣嘅開胃前菜！
三色藜麥金沙蝦球
非常大件！入面原隻大蝦球！啖啖爽口彈牙，而且食得出新鮮蝦味，超抵食！
香茅沙薑銅盤焗龍躉球
焗龍躉球用錫紙封好，上枱時吱吱聲，一剪開個吓香味沖出真係聞到流哂口水！香茅砂薑味都好出，雖然香茅墊底，但味都完全滲入魚肉，帶出龍躉厚實鮮味。
脆米蒜香雞
賣相好有氣炸質感，配上炸米，外脆內軟又不失油香。雞肉嫩滑充滿蒜味，佢嘅咸香非常惹味。
豆漿杞子鮮黑腐竹浸時蔬
第一次見豆漿芡同黑腐竹！黑腐竹味道無咁甜，而且比起一般腐竹硬身，唔會浸到一夾就散，娃娃菜浸豆漿出奇地好食！
金瑤櫻花蝦蛋白炒飯
炒飯唔會過油，但飯粒仍然香軟柔潤，而且每啖食到蛋白同瑤柱絲。而且鋪滿櫻花蝦，蝦味香濃！
清心柚子糕
非常精緻，應該用啫喱做法，中層大量柚子果肉，下層似係椰汁，入口酸爽，非常解膩開胃。
Post
