滿小館 (Closed)

滿小館🇭🇰Hong KongAverage expense pp: $400-500+📍Address: 滿小館, Tsim Sha Tsui 屋企人同我一向都好鍾意食中菜，趁生日特登book咗呢間精緻中菜，服務態度招呼得好好，環境清幽古色古香，坐得好舒服。最欣賞係生日驚喜～🎂甜品睇得出師傅嘅心思，因為訂位嘅時候提咗係生日飯，師傅特登安排咗甜品拼盤，分別有和菓子、馬卡龍、朱古力糯米糍同蛋糕，上碟嘅時候仲有噴煙效果，令到媽媽食呢餐生日飯食得好開心🥰首先一定要推介嘅係，片皮鴨二食同孜然魔鬼骰仔牛。骰仔牛係正宗嘅川味特色菜，採用新疆孜然粉，用串燒嘅方式，配上花椒同埋辣椒粉，骰仔牛內裏鮮嫩多汁，非常惹味，真係好驚喜！而且份量好多好抵食。片皮鴨係完整全隻鴨新鮮烤出來，一食係姐姐喺我哋面前，一片一片起外層嘅脆皮，食落卜卜脆。配上青瓜同埋京蔥，平衡到整體油膩感。二食揀咗薑蔥爆鴨肉，呢度菜好有鑊氣，我媽咁因為呢道菜食多咗兩碗飯，薑蔥調味非常惹味。冰鎮咕嚕肉就係呢間餐廳必點，除咗打卡好靚，冰鎮完之後外皮仲係外脆內軟，甜酸汁開胃之外，配菜嘅水果菠蘿、草莓、藍莓令整道咕嚕肉菜感覺清新。