滿小館 (Closed)

天時暑熱，冇乜意欲煮飯仔，呢輪一係外賣、一係食麵。好耐好耐冇正正經經坐低食中菜，禮拜日嚟咗呢間喺尖東嘅餐廳食晚飯，環境夠舒服，招呼都好好，消費同一般酒樓差唔多，最近喺呢度網上訂座都有折。餐廳面積都幾大，平日夜晚開門冇耐，都已經有幾組客人入座。見佢哋有個wine pairing嘅餐牌。餐牌由小食、燒味、燉湯、海鮮、小菜、川辣菜都有，飽到我哋又食又打包，連甜品糖水都食唔落，哈哈。茶位除咗有普通茶葉，亦提供幾款花茶包括桂花烏龍、玫瑰荔枝同白桃烏龍呢啲比較清新嘅選擇，夜晚唔想飲咁濃嘅茶就適合喇。幾有誠意~冰鎮荔枝蕃茄仔 $68冰鎮蕃茄仔消暑，加咗荔枝肉碎嘅關係，帶出微微甜味。成餐飯點咗咁多肉，難免飽滯，用蕃茄仔解下膩一流蟲草花泡菜苗 $88三味叉燒 $128/例牌三味叉燒幾得意，一個例牌分別有蜜糖、柚子同和風味。叉燒肉唔係話好肥嗰種，但由於係厚切，食落仲幾軟腍， 而且有肉香柚子醬冇違和感，幾有新意；反而蜜糖味唔係好出，可能個人口味鐘意甜啲啦。梨山醬汁骨 $108聽講呢個係新菜式，鐘意重口味/送飯嘅菜式，呢個都好適合。鍋上熱辣辣，唔會太鹹。龍井煙燻太爺雞 $298/隻鐘意濃煙燻味嘅雞，唔好錯過濃