日熹樓 (Closed)

今日同男朋友去左食中菜，我地兩個出街食飯好少食中餐，難得男朋友搵到一間特色上海菜餐廳，就去試一試。餐廳環境好大好靚，空間感非常足夠。有中式Cocktails夠哂特別。坐低先開一壺鐵觀音。茶香清清，非常解膩清香。之後有兩碟前菜小碟。泡菜和牛展豆乾。男朋友叫左一杯用中式米酒沖調的cocktails，荔枝汁和米酒竟然非常配合。先叫幾款前菜。我最愛煙燻溏心蛋，煙燻味道突出香口，入口溏心蛋黃非常香，蛋白滑溜非常滿意。男朋友最愛醉雞，雞肉非常嫩滑完全唔乾身，雞皮的脂肪已經切走，入口非常甘香。另外必食生煎包。湯汁非常多，即煎用鍋子上枱，非常熱。生煎包底煎得非常香脆香口但不油膩，餡料多包皮薄薄，湯汁又熱又多，非常驚喜。