Woodsage

Open Now

Now Closed

餐廳主題係亞洲菜同西菜混合。炸水牛芝士條：嗱，我認。我偏愛芝士，畀足料的大大啖芝士我，我一定畀5粒星，無得阻止我。炸軟殼蟹星洲蕃茄醬意大利麵：讚好。通常炸軟殼蟹意粉都係離唔開茄醬或者白醬，但佢多咗星加坡南洋嗰種香料，意想不到，竟然好夾，意大利人可能會抗議，但我都係想講，好夾。大蔥鴨肉薄餅：單以烹調嚟講，做得很好。薄薄的批，類似烤鴨醬做底醬，京蔥絲鋪面，上面黃色嘅係幼的炸蛋散，類似送粥嗰啲。其實呢。味道都算係唔錯。但餸名叫鴨肉，而用嘅係煙鴨胸唔係火鴨嗰陣，有少少失望，雖然我知一個pizza一百蚊都唔駛，都應該係畀煙鴨胸。但係，我要真鴨肉......話說飲品：奶蓋泰式奶茶都好吸引。可惜之後要打羽毛球，怕肚痛而放棄。