新記雞粥 (鴻禧大廈) (Closed)

聖誕新年緊係同長輩一齊過啦，今日同媽媽黎到旺角行街，行到累就想搵間餐廳坐下食下野，黎到呢間餐服務員好熱情既招待就入左去坐，平日去都好爆滿，今日好采唔使等就有得坐。首先我地叫左個酥炸魷魚鬚，表面炸到金黃色非常香脆，而且唔會好油，外脆內軟，我媽媽最喜愛就係呢款。份量都好多，抵食。之後叫多個泰式鳳爪，酸酸辣辣咁食左非常開胃，而且骨好軟身，可以食落唔使吐骨，成隻食落口感覺好爽。再叫多個蝦腸，隻蝦好大隻，有三條蝦腸都可以，點咪啲豉油味道更豐厚。主食方面媽媽就選左鮮蟹粥，成隻蟹一齊上，非常芝味，粥底都好好，平日我媽每餐只食小小，今次都可以自己食完一鍋真係非常好味。我就選左個XO醬叉燒炒蛋飯，呢個真係世界級好味，好耐都無食過咁好味既味道，呢個一定要試一試。呢間餐廳都算抵食，樣樣份量都好足了，服務員既態度又夠親切，好細心留意到我既所需，讚賞。