Video
Read full review
2019-11-24
749 views
呢排天氣總算涼返啲，又到左打邊爐嘅好時機！今日難得同舊同事敘舊，成班就揀左黎哩間鍋心打粥底邊爐。之前就食過同樣係鍋心系列嘅蒸海鮮，至於粥底邊爐就係第一次食海鮮配料選擇多，大家揀好晒材料後好快就上湯底，一開始我仲好好奇係咪啲粥已經係火鍋入面，因為湯底偏奶白色，好似粥水，但原來只係一煲好淡嘅湯底，係食到最尾先加粥㗎話咁快海鮮都逐樣嚟到，店員俾左個計時器我哋，講大概每樣海鮮要用幾多時間，不過除咗蟹之外，其他海鮮我哋都一於少理，因為大概都知點為之熟蟹應該係必點，因為蟹蓋上面仲有好多膏，有部份膏融化左係粥底道，令粥嘅味道濃郁好多。蜆、蚌同鮑魚都陸續上到，大家記得要食晒海鮮先再打其他肉類。上晒海鮮店員主動拎左啲南瓜、粟米同芋頭粒，準備最後嘅粥底。除咗海鮮好新鮮之外，呢度嘅肉類配菜都相當出色🤤呢款肉丸必點，入邊有啲軟骨，咬落脆卜卜好有口感，大家都爭住黎食！另外牛丸都好濃郁牛味，特別彈牙；花膠份量多，煲淋左又係索晒湯味！當大家都好飽嘅時候，終於要落粥底了😂店員同我地講落嘅哩啲係粥膽，所以好快就食得同埋好索湯！另外再加埋乾蔥、豬油渣等等嘅配料，去增添粥嘅鮮味。呢個粥底絕對係精華所在，除咗煲到林晒嘅南瓜同
海鮮配料選擇多，大家揀好晒材料後好快就上湯底，一開始我仲好好奇係咪啲粥已經係火鍋入面，因為湯底偏奶白色，好似粥水，但原來只係一煲好淡嘅湯底，係食到最尾先加粥㗎
話咁快海鮮都逐樣嚟到，店員俾左個計時器我哋，講大概每樣海鮮要用幾多時間，不過除咗蟹之外，其他海鮮我哋都一於少理，因為大概都知點為之熟
蟹應該係必點，因為蟹蓋上面仲有好多膏，有部份膏融化左係粥底道，令粥嘅味道濃郁好多。
蜆、蚌同鮑魚都陸續上到，大家記得要食晒海鮮先再打其他肉類。
上晒海鮮店員主動拎左啲南瓜、粟米同芋頭粒，準備最後嘅粥底。
除咗海鮮好新鮮之外，呢度嘅肉類配菜都相當出色🤤
呢款肉丸必點，入邊有啲軟骨，咬落脆卜卜好有口感，大家都爭住黎食！
另外牛丸都好濃郁牛味，特別彈牙；花膠份量多，煲淋左又係索晒湯味！
當大家都好飽嘅時候，終於要落粥底了😂店員同我地講落嘅哩啲係粥膽，所以好快就食得同埋好索湯！另外再加埋乾蔥、豬油渣等等嘅配料，去增添粥嘅鮮味。
呢個粥底絕對係精華所在，除咗煲到林晒嘅南瓜同芋頭蓉，仲有濃濃海鮮嘅鹽香！所以如果細食嘅女孩子記得之前要留少少肚，因為呢個粥底真係好值得食，就連我平時唔係太好粥嘅都食咗兩碗🙈🙈🙈
果然鍋心都不會令人失望，除左環境嘈啲，食物方面就相當滿意另外一提想食嘅朋友記得提前幾日book檯，因為真係好爆場！
Post
