今次叫咗一份粉雪冰！我覺得餐廳非常之舒服好開揚，而且望到嘅風景幾靚，枱唔算多，我當日去到有幾對情侶同埋一啲閨蜜團去食，我得自己一個有少少尷尬！不過唔錯啦，畢竟啲甜品好吸引！
🍧焦糖海鹽粉雪冰 $50
呢一個粉雪冰果然名不虛傳，佢有非常多層次，食落每一層口感都係唔同嘅，我最鍾意佢面頭好似蜂巢一樣嘅甜甜地嘅嘢，確實，我都唔知道佢係乜嘢，不過真係好好食呀！又甜又脆，配上冰，一啖食落去真係完美！另外，有少少好似cream咁樣嘅嘢，食落去冇乜味，但係質感好好！非常之綿滑，我覺得爆谷都係一大重點，真係粒粒都充滿着焦糖嘅味道，完全唔係坊間嘅咁。而佢嘅冰非常之綿，佢刨到非常之細、密，所以入口即溶，透心涼！最底呢就會有少少好似布甸咁樣嘅質感，我自己唔太鍾意食布甸，但我覺得有少少其他質感嘅配搭，令成件事新奇晒！👍🏻
