今日全體同事決定一齊去試下間響哂朵嘅米芝蓮推介粥店—靠得住，就睇下係咪真係靠得住先
一向粥店帶畀我嘅感覺偏向老餅，唔係皮蛋瘦肉粥就係咸魚花生粥，根本連餐牌都唔洗睇就可以嗌得
不過見佢連續六年米芝蓮推介喎，就睇下有冇D特別野嗌下啦
！
睇左陣，選擇困難症又發作
最後揀左心肝寶貝配口水雞$88
！再嗌多左杯薏米水添
等左十分鐘，先嚟口水雞！雞件微辣，肉質嫩滑，配上香脆花生和芽菜
再嚟今日主角，心肝寶貝！去粥店終於唔洗再食皮蛋瘦肉粥啦
！黃沙豬潤配上新鮮帶子，非常新鮮嘅組合
1
帶子鮮甜，肉質結實
（一碗大概有三粒）
黃沙豬膶爽口彈牙，美味
用上4小時，40斤魚熬製嘅魚湯粥底，啖啖魚香，一個字，鮮！
最後嚟到嘅薏米水，亦都非常足料，但略甜。
連續六年米芝蓮推介嘅靠得住，果然靠得住呀下
