Cafe Hunan (The Loop)

湘菜，湖南菜是也。
書湘門第嘅西環店係米芝蓮推介嘅餐館。知道佢喺中環都開咗分店，係lunch time就決定黎一試。

點咗：
🐟紅油爽脆魚皮$60 - 呢個係超鮮嫩超好食。呢個同我哋平時去打邊爐食嘅炸魚皮完全唔同。佢呢個係鮮魚皮，但又唔會好腥，超級爽脆，好似食緊菜脯咁，作為開胃菜，真係非常正😋勁推介！

紅油爽脆魚皮

$60

🐥麻辣雞丁$98 - 我哋叫咗幾個湘菜，都叫咗小辣，呢個麻辣雞丁雖然望落有好多辣椒，但其實冇睇落咁辣，超級適合用嚟送飯。

麻辣雞丁

$98

🐮孜然牛肉$108 - 平時已經鍾意孜然入饌 嘅食物，所以見到呢個孜然牛肉就即點。牛肉鮮嫩，孜然惹味，讚👍🏻

孜然牛肉

$108

🥒外婆菜肉碎四季豆$88 - 四季豆都係送飯之選😆

外婆菜肉碎四季豆

$88

🥬清炒萵筍絲$78 - 賣相已經睇得出鮮嫩，到食落口就真係驗証到佢有鮮嫩。同店員傾偈，先知道原來佢哋用萵筍最中間最鮮嫩嘅部份黎做呢個菜，唔怪之得咁好食。

清炒萵筍絲

$78

仲有要一提嘅係，餐廳係用Le Creuset嘅碟黎盛菜。見到用啲靚嘅碟黎盛菜，食都食得開心啲😆

店員都超有禮貌。果然米芝蓮推介嘅店嘅分店，員工都訓練有素。以呢個價錢就可以食到米芝蓮推介餐館嘅菜，真係物超所值。

又裝修環境，到食物質素同埋服務，書湘門第都係一間好值得一黎再黎嘅餐廳🤩