Video
Read full review
2009-06-28
18 views
今晚差唔多 8 點去到﹐喺出面睇下個 menu﹐即刻有個 staff 走埋就介紹。入到去發現禮拜六晚都無乜人﹐係間餐廳太貴﹐定係 quality 太低﹖呢間餐廳係米芝蓮評為舒適嘅餐廳﹐係無星嘅﹗未去之前﹐諗住有米芝蓮推介﹐應該都唔會差﹐不過實在係令我失望﹗一入到去﹐其實 service 唔差。可惜﹐講多兩句之後﹐ d waiters 就開始用返好普通嘅語氣同我地講野。令我覺得自己究竟係唔係身在米芝蓮推介嘅餐廳裡面... 不過 overall 黎講都係有禮貌嘅。嗰度 1 個 course 大約 $250 - $350﹐不過佢地有個 all you can eat﹐即係任食嘅 menu﹐$398 加一﹐加 $80 就可以紅白酒任飲﹐所以都係揀咗 all you can eat。每人送一客煎鵝干﹐但煎得太耐﹐晒咗...Starter:有 6 樣俾你揀。最好食係 Beef Tar Tar 同咪 Salmon。個 snails 都幾好食。每樣嘅份量都少得可憐......Soup:有 2 款。1 個係菜湯﹐1 個係 Chowder。只係飲咗 Chowder﹐我覺得似忌廉湯﹐完全唔係 Chowder
入到去發現禮拜六晚都無乜人﹐係間餐廳太貴﹐定係 quality 太低﹖
呢間餐廳係米芝蓮評為舒適嘅餐廳﹐係無星嘅﹗未去之前﹐諗住有米芝蓮推介﹐應該都唔會差﹐不過實在係令我失望﹗
一入到去﹐其實 service 唔差。可惜﹐講多兩句之後﹐ d waiters 就開始用返好普通嘅語氣同我地講野。令我覺得自己究竟係唔係身在米芝蓮推介嘅餐廳裡面... 不過 overall 黎講都係有禮貌嘅。
嗰度 1 個 course 大約 $250 - $350﹐不過佢地有個 all you can eat﹐即係任食嘅 menu﹐$398 加一﹐加 $80 就可以紅白酒任飲﹐所以都係揀咗 all you can eat。
每人送一客煎鵝干﹐但煎得太耐﹐晒咗...
Starter:
有 6 樣俾你揀。
最好食係 Beef Tar Tar 同咪 Salmon。
個 snails 都幾好食。
每樣嘅份量都少得可憐......
Soup:
有 2 款。
1 個係菜湯﹐1 個係 Chowder。
只係飲咗 Chowder﹐我覺得似忌廉湯﹐完全唔係 Chowder﹐只係求其下咗 d 海鮮就當係 Chowder。
Main Course:
有 4 款。
乳鴿﹐牛肉﹐羊肉﹐鴨肉。
乳鴿同平時中餐食嗰 d 差唔多。
牛肉同我喺英國 high school 食嘅味道一模一樣﹐係我學校嗰 d 好食﹐定係呢度嘅難食呢﹖
羊肉同鴨肉都好普通。
份量又係好少﹐基本上同一個茶碟嘅 size 一樣。
Seafood:
有 5 - 6 款。
帶子無乜味﹐好普通。
Salmon with lobster cream sauce risotto - 塊 salmon 同我自己喺屋企煎無分別﹐個汁似係牛肉汁多過龍蝦汁。
Dessert:
有 5 款﹐但有 2 款都係水果﹐可以不理。
Chocolate opera cake﹐唔錯﹐中間係少少脆﹐好食但又稱唔上好好。
Chocolate mousses with a puff﹐唔多好食﹐普通嘅 mousses。
Coconut 味﹐類似布甸嘅東西﹐幾好味﹐有 d 燒過嘅 caramel 喺上面。
埋單叫咗好耐﹐叫咗幾次﹐都無人同我地埋單。10 點唔夠佢地已經開始收鋪。
總括黎講好失望﹗同真正嘅法國餐差太太太遠﹗味道完全唔到標準﹗
相信之前喺度留 positive 食評嘅朋友﹐可能未食過比呢個好食 100 倍嘅真正米芝蓮法國餐廳。
唯一呢度取勝嘅係數量。雖然每份都好細﹐但因為係任食﹐所以一定食得飽。
如果只係想吊下癮﹐可以一試。但如果真係想食好味﹐有米芝蓮質數嘅法國餐﹐一定唔可以去呢間餐廳﹐你會失望﹗
Post
