近年好興焙茶飲品，牡蠣專門店竟然有焙茶飲😁🤎先試試蘋果焙茶加白桃焙茶，兩款飲品都吾會死甜，白桃焙茶清新，不過比蘋果焙茶甜少少🤏🏼
一口芝士脆豚，開頭以為會好似日式放題店嘅一口牛柳粒咁一粒粒細粒，比我想像中大份😳外皮脆卜卜，裡面豚肉結實，沾上沙律醬或梅子醬更佳🤍🤎
牡蠣野菜天婦羅🍤炸蠔蠔味香濃，之前去親日式放題店或者居酒屋都好中意食酥炸廣島蠔！脆炸蠔肉相信系吾少人嘅恩物😁多數食系食雜菜/ 海老天婦羅，牡蠣天婦羅有新意。
和風芝士魚餅系店員推介，芝士控必點🧀啲芝士多到可以拉絲㗎🤩邪惡之選～魚餅魚肉部分軟稔。
唐揚博多華味鳥即炸雞🍗炸雞上有沙律醬，本身少脆，加上有沙律醬甜甜哋更滋味，雞肉嫩滑🐔
醬漬牡蠣一口飯，外型同壽司🍣一模一樣😆可以當系牡蠣壽司吧。牡蠣好香好有口感，入口即溶👍🏼白飯部分亦充滿牡蠣香氣，呢個真系幾好味😋
菇燒牡蠣串系香菇包住牡蠣，香菇薄片好易咬，不過好似落咗紫蘇葉，味道幾勁，未必個個啱。串燒落咗好多蠔油，但牡蠣味道冇因此而減少呢。
最後系招牌牡蠣鹽味拉麵🍜由多種食材製成，有三重湯底 (蠔湯、豬骨清湯、魚清湯)、低溫叉燒、自家蠔醬、鮮蠔油等等，自家蠔醬蠔味超濃！其他配料味道吾錯，低溫叉燒軟稔易咬。
