Video
Read full review
2023-02-17
1101 views
❀ New Punjab Club #中環 ❀❗️米芝蓮一星印度旁遮普菜❗️——————————————————事隔幾年終於能夠再訪呢間米芝蓮一星印度菜✨New Puniab Club主打旁遮普菜，以烤肉Tandoor為主，配搭多種唔同嘅香料，惹味香濃。餐廳裝修帶異國風情，所用嘅餐具都富有印度特色，感覺輕鬆舒適。另外佢哋亦係Black Sheep 旗下嘅餐廳，所以侍應都係非常之熱情❤️🔥.✷𝑀𝑒𝓃𝓊✷☞ Keema Pau (4/5)Off Menu㗎，亦係佢哋嘅招牌之一✨其實即係免治羊肉配牛油餐包。羊肉香料味十足，不過羊味就唔係好重，全靠表面香脆嘅炸薯絲大大昇華菜式。麵包則烤到外脆內鬆軟，就咁食都好味。覺得未有大家講到咁誇張，不過都係一個唔錯嘅頭盤👌🏻.☞ Masalewali Chaanp (4.2/5)嚟到當然要品嚐佢嘅烤肉，店員推薦cobia魚/羊架，難得嚟到就選擇咗最誇張嘅羊架🤩有手臂咁長，肉質超厚，上枱充滿焦香！望落有少少燶燶哋又乾身，點知非常香口又軟腍💯唔太羶最出色係骨之間嘅脂肪，烤到香脆，油香滿滿，非常邪惡，但都要試下。.☞ Karahi Murgh (3.9/5)☞ Ga
❗️米芝蓮一星印度旁遮普菜❗️
——————————————————
事隔幾年終於能夠再訪呢間米芝蓮一星印度菜✨New Puniab Club主打旁遮普菜，以烤肉Tandoor為主，配搭多種唔同嘅香料，惹味香濃。餐廳裝修帶異國風情，所用嘅餐具都富有印度特色，感覺輕鬆舒適。另外佢哋亦係Black Sheep 旗下嘅餐廳，所以侍應都係非常之熱情❤️🔥
.
✷𝑀𝑒𝓃𝓊✷
☞ Keema Pau (4/5)
Off Menu㗎，亦係佢哋嘅招牌之一✨
其實即係免治羊肉配牛油餐包。
羊肉香料味十足，不過羊味就唔係好重，全靠表面香脆嘅炸薯絲大大昇華菜式。
麵包則烤到外脆內鬆軟，就咁食都好味。
覺得未有大家講到咁誇張，不過都係一個唔錯嘅頭盤👌🏻
Keema Pau
88 views
0 likes
0 comments
.
☞ Masalewali Chaanp (4.2/5)
嚟到當然要品嚐佢嘅烤肉，店員推薦cobia魚/羊架，難得嚟到就選擇咗最誇張嘅羊架🤩
有手臂咁長，肉質超厚，上枱充滿焦香！
望落有少少燶燶哋又乾身，點知非常香口又軟腍💯唔太羶
最出色係骨之間嘅脂肪，烤到香脆，油香滿滿，非常邪惡，但都要試下。
Masalewali Chaanp
147 views
0 likes
0 comments
.
☞ Karahi Murgh (3.9/5)
☞ Garlic Naan (3.9/5)
咖哩正常發揮，香料味道幾突出，用嚟點naan唔錯。用上三黃雞，製成咖喱後同一般雞無異，性價比冇咁高。
Naan嘅口感偏鬆軟，最特別係欣賞左印度風嘅logo，幾靚🥰
Karahi Murgh
61 views
0 likes
0 comments
.
☞ Banana Sticky toffee pudding with popcorn gelato (4/5)
當年一試難忘，再訪想再食到呢個甜品😆
雖然拖肥糖漿真係好甜，但唔知點解配上佢哋自家製嘅香蕉蛋糕又會接受到。
加上佢哋嘅香蕉蛋糕帶點煙靭，係我喜愛嘅口感😋
表面仲加上爆谷雪糕，鹹鹹地輕輕中和拖肥嘅甜味，值得一試！
Banana Sticky toffee pudding with popcorn gelato
130 views
1 likes
0 comments
——————————————————
✨整體味道: 4/5
✨環境裝修: 4/5
✨服務態度: 4/5
✨性價比: 3.5/5
✨再訪興趣: 3.5/5
.
💞整體來講
事隔幾年菜式依舊，最欣賞都係佢哋嘅烤肉同埋拖肥香蕉蛋糕，咖喱就正常發揮。不過留意番佢哋而家有人均最低消費$800🤓覺得一試就好了，未必會再訪。
Post
