Video
Read full review
2024-01-15
88 views
之前返大陸，個朋友話一定要試下間米線，話係大陸好紅，國內朋友真係無介紹錯，係堅好食。咁我返到香港咁岩醒起，好奇心之下就網上搵下資料，估唔到曾三仙米線原來係大陸連鎖店，仲要分店超過1000間，但最估唔到係，原來香港都開左間，仲要太子係第一間。咁我就趁呢晚打波之前，同個波友，一齊去食。因為我同個波友，都食得下辣，於是乎就點左佢個招牌泡椒米線同火鍋米線，另外叫左幾個小食，有炸蛋、糍粑油條、鍋巴土豆、豆腐泡。兩個米線上枱個刻，有小小驚訝，唔係用平常大碗，而真係一個鍋咁上，估唔到五十蚊，個份量可以咁多。泡椒三仙米線個辣度相對火鍋三仙米線，無咁辣，偏向酸辣多小小，而火鍋米線就偏向重慶麻辣辣，食落兩個米線個湯底都各具特色，另外，兩個米線配料都好足，絕無欺場，有木耳、鵪鶉蛋、竹笙、番茄、蟲草花、豬肝、黃花、午餐肉及肉絲，另外加左海帶絲加千層肚 ，配埋個湯底，好惹味。小食就不得不提下個糍粑油條，油條外脆，再搭埋個糍粑，食落好煙韌。個炸蛋，個食法就好似平時打便爐，響鈴淥下個湯底一樣，本身好有蛋香，湛埋個湯底，令到個口感更加豐富。個鍋巴土豆好香口，表面淋上醬，好惹味。最後不得不提，就係呢度提供飲品，唔似出面
因為我同個波友，都食得下辣，於是乎就點左佢個招牌泡椒米線同火鍋米線，另外叫左幾個小食，有炸蛋、糍粑油條、鍋巴土豆、豆腐泡。
兩個米線上枱個刻，有小小驚訝，唔係用平常大碗，而真係一個鍋咁上，估唔到五十蚊，個份量可以咁多。泡椒三仙米線個辣度相對火鍋三仙米線，無咁辣，偏向酸辣多小小，而火鍋米線就偏向重慶麻辣辣，食落兩個米線個湯底都各具特色，另外，兩個米線配料都好足，絕無欺場，有木耳、鵪鶉蛋、竹笙、番茄、蟲草花、豬肝、黃花、午餐肉及肉絲，另外加左海帶絲加千層肚 ，配埋個湯底，好惹味。
小食就不得不提下個糍粑油條，油條外脆，再搭埋個糍粑，食落好煙韌。個炸蛋，個食法就好似平時打便爐，響鈴淥下個湯底一樣，本身好有蛋香，湛埋個湯底，令到個口感更加豐富。個鍋巴土豆好香口，表面淋上醬，好惹味。
最後不得不提，就係呢度提供飲品，唔似出面荼餐廳千篇一律，而係有小小特別，我同個朋友就叫左冰糖山楂茶同馬蹄椰子水，甜度岩岩好，飲落好清新。
Post
