香格里拉米線專門店 (Closed)

每次去旺角入貨後，都好煩惱的唔知去邊到食晚飯，今次亦都不例外，兜了兩個圈才有所決定。睇番食評，原來好多喊面，我就覺得唔算好差o者。我食紅腸豬潤酸辣米線，要了大辣tim，大辣真係好辣，但夠晒刺激。豬潤亦夠爽口又夠多，米線本身亦爽口有韌度，真的不比譚仔差。老公食辣牛丸米線，牛丸亦唔錯，幾彈牙，唔會成舊粉。只食米線較單調，再叫了一個烤羊腿，完全無味，肉質又硬又實，味道全靠表面的孜然粉。雖然米線都ok，但係未必再有下次，因為地方好迫，有點焗束感覺。