聚豪軒 (Closed)

店內貼滿米之蓮3星推介報導, 別以為聚豪軒有3粒星, 其實只屬"米"推介店舖. 同老公仔去慶祝, 試下這店, 食後4個字"唔會再去". 食物方面, 一般食物就真係好一般, 鮑魚同推介牛就幾好味同特別. 環境方面, 叫做ok nice(也應該是吸引了"米"人去推介既原因). 最可惜, 係service唔得, 我地好早到, 佢見二人就比門口張枱我地(明明裡面冇乜其他人), 點知度門成日比人開左又唔關好, 果日得10度既街外風吹到打住邊爐都好覺凍, 頭頂又有一個冷氣風口位食到正, 同佢地講, 佢地話冇辦法, 亦冇校細個冷氣. 攪到我全程食既隻手都係吹到好凍. 點知後來我忍唔住起身去關門(老公叫佢地關門都有10次之多), 發現原來度門關不上, 原來係因為佢地出面有塊地毯仔"攝"住度門! 其實只要佢地肯拉開少少張地毯就可以解決問題!! 後來等我地差唔多食完, 佢地見有張二人細枱空左, 就話不如同我地調過去(我地張枱大, 應該可以坐多d人), 攞明想要番張大枱. 其實我見到我地由開始到食完, 有張枱一直都冇人坐過, 但係佢地都冇比我地調過去...總結：　比左甘樣既價錢但係態度唔掂