奇華餅家 (Closed)

母親收到友人奇華嫁女餅咭一張，知道教育路有一間鋪頭，去左揀餅，望一望果啲傳統禮餅，嗱埋都20幾蚊一件，張咭得果HK$65，而且傳統蓮蓉唐餅，我一向覺得大同嘅好食啲，所以今日揀左奇華一啲新派餅食番屋企食下，換左總共五種餅食共HK75，要補HK$10紅豆綠茶卷以獨立包裝卷蛋蛋糕嚟講，算係好鬆軟，綠茶味好重好靚，紅豆亦都係靚貨，好香濃，紅豆綠茶兩種材料本來就係天生一對，而呢塊蛋糕本來應該會好好味先啱，但由於巻蛋蛋糕唔能夠巻住太多紅豆，所以份量好少，未能夠完全發揮倒呢對最佳配撘嘅應有味道，我覺得呢個係產品設計上嘅失誤，如果俾我設計，我會用相同材料造個叫綠茶流心手掌咁上下大細嘅蛋糕。杏仁酥條味道正常，酥皮鬆而不太膩係佢最大優點，冇乜失望，亦冇太大驚喜。芝麻餅呢樣唔算係新派餅食，算係今日嘅餅食中嘅頭兩位，餅身好鬆脆，芝麻焗得啱啱好，冇過火，所以唔會有絲毫嘅澀味。烏龍茶薄餅呢個係今日最正嘅產品，話係薄餅，但味道口感都比較貼近曲奇，好鬆脆，我諗個設計概念係嚟自El Grey Cookie ，佢地將烏龍茶嘅葉打碎，然後加入搓好嘅麵團焗成，茶葉可以減去餅身入口嘅油膩，而佢嘅茶香可以更加帶出牛油嘅奶香，烏龍