The Vibe Room (Closed)

The vibe room呢間新cafe 喺銅鑼灣登龍街地鋪位置，走簡約木系風超igable! 圓拱枱打卡位菜式融合中西日東南亞嘅元素而且味道都認真唔錯😍墨西哥香脆夾餅照燒雞腿肉 馬來西亞娘野甜酸雜菜：呢個小食好開胃，夾餅脆卜卜，雞腿肉照燒汁香甜，配埋馬來西亞風味嘅甜酸雜菜，增加層次感同清新度。龍蝦明太子沙律 北海道黑蟹 ：呢個多士賣相好吸引，上面放滿龍蝦肉同明太子沙律，仲有黑蟹籽點綴，好豪華。多士烘得香脆，龍蝦肉爽彈鮮甜，明太子沙律帶微辣同魚子醬嘅香氣，黑蟹籽仲有爆口嘅感覺，好滿足。原隻蒜蓉燒扇貝 忌廉明太子意大利飯：呢個主菜係我最鍾意嘅一款，原隻扇貝大大粒，燒得金黃香口，牛油蒜蓉汁仲有啲焦香，好惹味。意大利飯粒粒分明，忌廉明太子汁幼滑濃郁，仲有櫻花蝦增加香脆口感，每一啖都好滿足。士多啤梨鮮奶：士多啤梨味突出，飲得出用新鮮士多啤梨打成泥，果味同牛奶嘅奶味好夾，好清新清爽。