Video
Read full review
2020-03-28
416 views
大埔其實都有好幾間泰國餐廳，佢哋嘅菜式選擇都幾多，但係如果以泰國船麵為主嘅，我諗暫時就仲係得呢一間選擇咋，如果鍾意食船麵嘅大家都可以試一試呢間 船皇 位於商場地下嘅其中一個角落頭，不過眼利嘅朋友，一眼就會睇到佢嘅存在，因為門口就擺放着一間泰國嘅篤篤車，夠晒有代表性啊餐牌都有個放大版放喺門口，望落非常清晰，當然佢哋以船麵為主，仲有撈麵，食類，串燒，及多款小食，當然仲有好多飲品嘅選擇佢哋嘅模式都幾特別，喺呢個櫃檯位置點完餐之後，你就可以自己搵位坐，店員亦都會比一個響鬧裝置你，當你食物做好嘅時候，行返出嚟呢個櫃檯拎就可以啦，都可以講係半自助形式，不過都有好處，就係佢嘅收費都真係比較平啲介紹翻我今晚叫咗啲咩食先，當你以為呢碗係碗湯嘅時候，咁就真係有驚喜啦，因為佢哋係飲品嚟㗎，分別係前面嗰碗，一睇就睇得出係 泰式奶茶，後面果碗就係 凍柚子檸檬梳打，兩款都好有泰國味道架主食都黎啦，兩碗好吸引既船麵，顏色同賣相都同泰國當地嘅船麵好相似，而且見到上面大量嘅配料，都幾吸引係香港有好多泰國餐廳都有船麵食，但係佢哋嘅表現都係有啲強差人意，好多時見到個湯嘅顏色，都可能知道佢嘅味道好唔好食，呢一個湯底嘅顏色夠晒
呢間 船皇 位於商場地下嘅其中一個角落頭，不過眼利嘅朋友，一眼就會睇到佢嘅存在，因為門口就擺放着一間泰國嘅篤篤車，夠晒有代表性啊
餐牌都有個放大版放喺門口，望落非常清晰，當然佢哋以船麵為主，仲有撈麵，食類，串燒，及多款小食，當然仲有好多飲品嘅選擇
佢哋嘅模式都幾特別，喺呢個櫃檯位置點完餐之後，你就可以自己搵位坐，店員亦都會比一個響鬧裝置你，當你食物做好嘅時候，行返出嚟呢個櫃檯拎就可以啦，都可以講係半自助形式，不過都有好處，就係佢嘅收費都真係比較平啲
8 views
0 likes
0 comments
介紹翻我今晚叫咗啲咩食先，當你以為呢碗係碗湯嘅時候，咁就真係有驚喜啦，因為佢哋係飲品嚟㗎，分別係前面嗰碗，一睇就睇得出係 泰式奶茶，後面果碗就係 凍柚子檸檬梳打，兩款都好有泰國味道架
21 views
0 likes
0 comments
主食都黎啦，兩碗好吸引既船麵，顏色同賣相都同泰國當地嘅船麵好相似，而且見到上面大量嘅配料，都幾吸引
28 views
0 likes
0 comments
係香港有好多泰國餐廳都有船麵食，但係佢哋嘅表現都係有啲強差人意，好多時見到個湯嘅顏色，都可能知道佢嘅味道好唔好食，呢一個湯底嘅顏色夠晒深色，所以味道一定唔會差得去邊！
上年嘅配料亦都夠多好吸引，呢個係我揀嘅 船皇湯麵，基本上佢係有齊晒所有嘅配料，例如牛腩，牛肉，牛丸，豬肉及豬潤等等
7 views
0 likes
0 comments
麵款方面，我就揀咗蛋麵，我比較鍾意佢嘅原因，因為佢有比較香嘅雞蛋味及口感比較好，掛汁能力都比較高，可以吸晒當中嘅湯，令味道更加得以提升，係幾出色既
9 views
1 likes
0 comments
呢個係朋友叫嘅 豬肉，豬肉丸及豬膶湯麵，味道當然同樣出色，因為最主要嘅湯底真係夠香濃，而當中我認為同樣出色嘅，就係嗰啲豬潤，非常有咬口而且冇異味，仲要係厚切，都幾有驚喜
7 views
0 likes
0 comments
除咗兩個麵，我哋仲叫咗少少小食，首先有上面嘅雞皮一串，燒得幾香脆，而且唔係度度地方都有得食
下面嘅係 泰式炸蝦卷，一共有三條，炸到香脆既佢點埋 d 泰式辣醬一齊食，都幾香口
11 views
0 likes
0 comments
燒雞皮 真係唔係好多餐廳都有得食，平時可能食雞皮，你會覺得好肥膩，但係由於呢個雞皮已經切到好細小，再經過串燒燒香，咬落去，非常脆口，仲有陣陣嘅雞油味，非常吸引㗎
2 views
0 likes
0 comments
最後，仲有三款串燒，分別係 牛肋條，沙嗲牛肉及雞肉，我個人比較喜歡牛肋條，因為佢比較有口感，肉質比較豐富，都值得一試嘅
Post
