.
適逢11月就踏入咗同老公開始結婚周年要慶祝嘅月份，今日都特登再過去大埔食好味嘅食物！
.
▪️極品海膽和牛龍蝦套餐▪️
.
首先嚟個龍亭招牌沙律，黑醋三文魚沙律，再加上獨有嘅龍珠果
前菜玉子海膽豆腐，開胃小食豆腐滑嫩，搭配新鮮的海膽，不過今次食就覺得有少少鹹
.
前菜仲有塔斯曼尼亞生蠔，上面仲好華麗咁加入海膽，調味可搭配檸檬、山葵和魚子醬，咁樣就可以令到食生蠔嘅口味更加豐富
.
用海膽做汁再加埋啲龍蝦頭嘅膏，但係今次嘅龍蝦就好似肉質唔算係好爽實 同埋今次嘅處理手法會比較多蔥蒜，蓋過本身龍蝦嘅鮮味
.
牛肉薄燒上面，再加上海膽呢個配搭係從來未食過，海膽入口creamy再加上薄薄嘅牛肉油脂，今次呢個好加分
.
食鐵板燒其中另外最吸引嘅就係炒得粒粒分明乾身嘅炒飯，但係今次唔知點解唔算係好乾身，不過今次對於黑松露愛好者嚟講就好好，因為佢有好濃郁嘅黑松露香氣
.
最後嘅甜品部份有個海膽柚子菠蘿雪葩，另外隔離仲有啲紅豆爆爆珠
.
📌 龍亭 (大埔)
大埔翠樂街11號美豐花園地下10號舖
.
環境：⭐️⭐️⭐️⭐️⭐️
味道：⭐️⭐️⭐️⭐️⭐️
服務：⭐️⭐️⭐️⭐️⭐️
價錢：⭐️⭐️⭐️⭐️⭐️
