Rimi Cafe (Closed)

放假同朋友黎左樓上cafe，呢間Rimi Cafe都算係元老級，有左十幾年了。店內裝修簡約，還放著不少連豬連狗公仔，你懂的。量完體溫才可入座，坐低後店員便送上水同口罩袋。叫了兩份午餐，餐飲補差價轉了芝士奶蓋烏龍茶＆Oreo奶昔。自己揀左奶蓋茶，芝士鹹香厚滑，烏龍茶底茶香味濃，好好飲啊～朋友杯奶昔勁濃oreo味，奶厚實好飽肚，哈哈。午餐要了煙三文魚配忌廉雜菌天使麵，天使麵很彈牙，醬汁剛好包實每條麵條，而且下了不少雜菇好鮮味。另一份點了特式雜菌燴飯，飯軟硬度適中，吸飽了醬汁很鮮味，雜菇同芝士也下得很多，滿滿一盤好味又抵食。仲點左一客細的椒鹽燒賣，炸得香脆，燒賣本身又煙煙韌韌的，香口好味，細也有十數粒，份量不小呢。仲有朋友喜歡的椒鹽雞軟骨，好像炸得有點過火，咬落好脆口，意外地不覺得油膩，又幾好味喎。兩個人食左＄320左右，可以無限時任坐，消磨時間的好去處。