一品刺身壽司 (Closed)

始終都係呢家o既燒三文魚腩同埋燒鵝肝無得頂,所以不時都會返黎呢度食下,但反而刺身係第一次!見佢o岩o岩原條三文魚開出黎,咁又試下啦~~三十蚊左右都有成8塊,仲要幾厚身,一個人食曬會好"流",不過兩個人就o岩o岩好!!價錢公道,但最緊要係睇住佢切出黎。仲有d 原舊未切放係度賣,可以等人order 特厚切,都唔會另加收費!食完呢間壽司之後,真係出去食左咁多年都無咩邊度可以好過呢度,可能真係用心整。唔比出面大集團,個個打工都hea 住做。