Video
Read full review
2015-03-07
328 views
「行到未呀!!!!點解咁耐架!!!!」當日係旺角行左好耐好耐..落住毛毛雨而我同佢都無帶遮..個陣時既我已經無曬耐性。又餓又攰既我不斷發佢脾氣，佢一粒聲都唔出，拖住我行，佢話：「放心跟我黎啦。」行左大概10幾分鐘，終於到左。呢間位置比較偏僻，比起其他食肆，的確無咁起眼。一入到去，第一感覺係好溫馨，好有家既感覺。老闆見我地成頭水珠，即刻遞紙巾比我地。而佢亦都好貼心咁將我頭上面既水抺乾。店舖既裝潢主要係木製枱櫈，四周掛滿美食圖，充滿美食風氣。我望左個餐牌一陣，叫左個豬頸肉飯，而佢叫左個肉燥雞肉飯。我地傾左一陣計，D野食就黎左，效率非常高！成隻餓狼咁既我大啖大啖食碗飯，愈食愈開胃，簡直一流呀！（如果多番d汁仲正）至於個碗肉燥飯就更加係一流啦！仲記得佢偷偷地影左我好多狼吞虎嚥既相，我花左幾多口水先逼到佢del曬d相。跟住我地叫左兩杯野飲，珍珠奶茶同芋頭珍珠。個杯珍珠奶茶同平時飲既唔同，佢無過重既甜味，好有茶香，岩曬d唔太鐘意甜野既人。可惜我唔似飲芋頭珍珠，但見到佢飲得咁開心，就知道係好野啦！D野食一d都唔貴，環境又坐得好舒服，物超所值！可惜既係...佢以後都唔會再陪我去食..呢一到，只會成為我
「行到未呀!!!!點解咁耐架!!!!」當日係旺角行左好耐好耐..落住毛毛雨而我同佢都無帶遮..個陣時既我已經無曬耐性。又餓又攰既我不斷發佢脾氣，佢一粒聲都唔出，拖住我行，佢話：「放心跟我黎啦。」行左大概10幾分鐘，終於到左。呢間位置比較偏僻，比起其他食肆，的確無咁起眼。
一入到去，第一感覺係好溫馨，好有家既感覺。老闆見我地成頭水珠，即刻遞紙巾比我地。而佢亦都好貼心咁將我頭上面既水抺乾。店舖既裝潢主要係木製枱櫈，四周掛滿美食圖，充滿美食風氣。
我望左個餐牌一陣，叫左個豬頸肉飯，而佢叫左個肉燥雞肉飯。我地傾左一陣計，D野食就黎左，效率非常高！成隻餓狼咁既我大啖大啖食碗飯，愈食愈開胃，簡直一流呀！（如果多番d汁仲正）至於個碗肉燥飯就更加係一流啦！仲記得佢偷偷地影左我好多狼吞虎嚥既相，我花左幾多口水先逼到佢del曬d相。
跟住我地叫左兩杯野飲，珍珠奶茶同芋頭珍珠。個杯珍珠奶茶同平時飲既唔同，佢無過重既甜味，好有茶香，岩曬d唔太鐘意甜野既人。可惜我唔似飲芋頭珍珠，但見到佢飲得咁開心，就知道係好野啦！
D野食一d都唔貴，環境又坐得好舒服，物超所值！可惜既係...佢以後都唔會再陪我去食..呢一到，只會成為我地既回憶。我永遠都會記得，我地係呢間充滿台灣風氣既餐廳所有既一點一滴。
Post
