Video
Read full review
2019-12-26
249 views
呢間好似喺淘大商場開咗幾個月，都算係新餐廳掛？有日都幾夜經過，大概九點幾，好多餐廳都已經準備關門，呢間未關，所以就入去試吓啦。先俾大家睇吓內裏環境，燈光加上裝修，成件事配合得都算幾好，坐得幾舒服。然後揀嘢食，呢度係用類似酒樓點心紙咁樣剔，不過我冇影低。兩個人，每人叫咗個飯麵，再加一碟雞翼。肉骨茶，好香胡椒湯味，但係食落覺得胡椒味太重。但係朋友話送飯幾好。我叫咗手撕雞湯河粉，清清地都幾好，雞絲好多。杯越南咖啡都好香，唔錯。最後係香茅雞翼，同出邊食到嘅都大部份一樣，唔會話有啲咩好大分別。不過新鮮炸起，熱辣辣好好食，配埋個辣醬，好正。埋單都係$161，係商場入邊其實都算叫幾抵食，質素都唔錯。下次會再返嚟食，試吓嗰個越南奶茶。
先俾大家睇吓內裏環境，燈光加上裝修，成件事配合得都算幾好，坐得幾舒服。
然後揀嘢食，呢度係用類似酒樓點心紙咁樣剔，不過我冇影低。
兩個人，每人叫咗個飯麵，再加一碟雞翼。
肉骨茶，好香胡椒湯味，但係食落覺得胡椒味太重。但係朋友話送飯幾好。
我叫咗手撕雞湯河粉，清清地都幾好，雞絲好多。杯越南咖啡都好香，唔錯。
最後係香茅雞翼，同出邊食到嘅都大部份一樣，唔會話有啲咩好大分別。不過新鮮炸起，熱辣辣好好食，配埋個辣醬，好正。
埋單都係$161，係商場入邊其實都算叫幾抵食，質素都唔錯。下次會再返嚟食，試吓嗰個越南奶茶。
Post
