Video
Read full review
2007-12-02
3 views
去又一城食飯, 由於唔想食每況愈下的Amaroni's Little Italy, 今日一行3 人book 了7:00pm 0黎試0下呢度-- 好在訂了位, 7:00pm 未夠, 竟然已經見到有條人龍, 嚇親!想盡量試多d, 叫了2 個湯, 1 個pasta, 1 個飯, 1 個扒+ 1 件cake share 食, 結果非常滿意!- 餐前麵包: 叫2 個湯所以有6 塊咁多... 黑糖提子包微暖, 我無食到, 阿媽就話「好甜」; 普通法包唔熱, 不過食落條邊鬆化, 中間就好軟熟, 都唔錯.- Lobster bisque: 幾creamy, 粒粒龍蝦肉都幾爽口, 味道都唔錯, 不過幾十蚊罐頭貨色始終唔夠濃, 亦當然唔可以同酒店0既比較.- Onion soup: 一向好鍾意洋蔥湯0個隻味, 呢個亦整得非常好, 湯好清, 洋蔥極軟滑, 加埋片焗到又熱又脆口0既芝士香草toast, 好得! 推介!- Organic rice with fish fillet: 唔記得係咩米同咩魚... 賣相似risotto, 不過呢d 飯好有咬口, 吸埋龍蝦汁, 非常好食; 魚幾滑, 不過本身無乜味.-
想盡量試多d, 叫了2 個湯, 1 個pasta, 1 個飯, 1 個扒+ 1 件cake share 食, 結果非常滿意!
- 餐前麵包: 叫2 個湯所以有6 塊咁多... 黑糖提子包微暖, 我無食到, 阿媽就話「好甜」; 普通法包唔熱, 不過食落條邊鬆化, 中間就好軟熟, 都唔錯.
- Lobster bisque: 幾creamy, 粒粒龍蝦肉都幾爽口, 味道都唔錯, 不過幾十蚊罐頭貨色始終唔夠濃, 亦當然唔可以同酒店0既比較.
- Onion soup: 一向好鍾意洋蔥湯0個隻味, 呢個亦整得非常好, 湯好清, 洋蔥極軟滑, 加埋片焗到又熱又脆口0既芝士香草toast, 好得! 推介!
- Organic rice with fish fillet: 唔記得係咩米同咩魚... 賣相似risotto, 不過呢d 飯好有咬口, 吸埋龍蝦汁, 非常好食; 魚幾滑, 不過本身無乜味.
- Prawn linguine: 5 隻蝦都爽口, 不過個別一兩隻無乜蝦味; linguine 幾al dente, 不過可能始終d 汁無organic rice 0個d 咁香, 味道一般.
- Grilled rib-eye (要了medium rare): 中間呈酒紅色, 賣相好靚, 真係整到medium rare 的, 唔似得出面好多餐廳的所謂「5 成熟」整到7 成有多; 好腍, 肉汁好多, 雖然未至於入口即溶, 但都好好食! 另外伴碟的紅蘿蔔, 露筍etc 好甜, 唔錯!
- Lemon cheesecake: 好滑, 入口即溶, 食落唔漏, 檸檬味同cheese 味係50:50 的, 好食!
另外阿媽叫了杯咖啡, 聞落都幾香, 不過我無試.
裝修簡樸, 環境輕鬆casual, 好「歐陸」感覺, 雖然成日好多人行出行入, 但完全唔嘈, 唯一唔好就係d 檯(我0地坐了「室內」0個d 圓檯) 比較細, 感覺有d 迫; service 好好, 除0左落單男waiter 有d 遊魂之外, 其他waiters/waitresses 不論上菜/落單/門口counter 收錢/bakery section 夾麵包俾你0個d staff 都好nice 好有禮貌.
埋單約$600, 唔平, 不過呢間0野真係相當唔錯, 0野食/環境簡簡單單咁, 但非常好食. 會再0黎!
臨走前仲買了peach danish, chocolate croissant 同一條7" 長的rye baguette, 不過未開0黎食, 唔知質素如何?
(P.S. 淨係個洋蔥湯, 味道已經值5 分!)
Post
