尋晚我地叫咗五樣嘢，包括：柚子焗肉排、蛋包珍珠帶子、水雲蠔泡時蔬、紅棗雲耳蒸雞同埋胡椒花甲湯浸粉絲。
柚子焗肉排味道酸酸甜甜，肉排唔會焗得太乾，本身肉又肥瘦適中，食落啖啖肉送飯好正。
蛋包珍珠帶子我就嫌多蔥咗少少，蔥亦唔係深綠色嘅蔥，草青味太強有少少搶咗帶子味。不過蛋都整得幾滑，唔錯啦！
我好鍾意食呢到個水雲蠔泡時蔬，d蠔新鮮得嚟又算大隻，而且用魚湯浸住d白菜仔，好味又健康！
紅棗雲耳蒸雞放係荷葉上面蒸，但係荷葉味唔會過重，雞好滑，有淡淡蒜香味，雲耳都幾好食。
店員哥哥話今晚無晒咸菜，不過可以照整胡椒花甲湯，而粉絲係我地叫加嘅⋯⋯不過無咗咸菜，個湯真係爭少少，希望下次有咸菜嘅話再飲過啦。
