Video
Read full review
2009-05-31
35 views
前一排難得有一天閒日放假，正所謂「偷得浮生半日閒」，更何況係成日，見之前買落嘅海洋公園門票都未用，亞洲動物天地已經開左，天氣又未算好熱，一於同老婆去玩番日，睇下大小熊貓同金魚先。雖然係閒日，但係海洋公園都咪話唔少人。因為食左早餐先去，所以午飯時間來到灣景餐廳都未肚餓，不過去打個轉望下，都見到人頭湧湧，好多人幫襯。離開餐廳，探完「樂樂」、「盈盈」同超可愛嘅小熊貓之後，時候都唔早，已經四點幾，開始肚餓，拿拿聲再去「灣景餐廳」醫肚。嘩！今次乜得咁少人嘅！同頭先好唔同喎，成個場竟然係一個人都冇，咁我咪即係唔使錢包左個靚場？見d散叫食物都唔係好吸引，飲品又要另外叫，見有個一百蚊都唔使嘅二人high tea，仲包兩杯熱飲，好，就叫呢個啦！過左冇幾耐，好快個high tea就到啦。（梗係啦，得我地兩公婆一枱，後來先有多一兩班人幫襯）個賣相都唔錯喎（睇相就知），咸點有煙三文魚三文治、迷你咖喱角、烘鬆餅同蝦多士等，甜點就有藍莓撻、同朱古力Brownie等，整體來講，賣相唔錯，味道都幾好！（蝦多士最正，最好味，其他都唔錯，係個巴馬火腿茄子d火腿差d）難得唔使錢包晒成個靚場，一於一邊食一邊望清楚個環境先，呢
雖然係閒日，但係海洋公園都咪話唔少人。因為食左早餐先去，所以午飯時間來到灣景餐廳都未肚餓，不過去打個轉望下，都見到人頭湧湧，好多人幫襯。
離開餐廳，探完「樂樂」、「盈盈」同超可愛嘅小熊貓之後，時候都唔早，已經四點幾，開始肚餓，拿拿聲再去「灣景餐廳」醫肚。嘩！今次乜得咁少人嘅！同頭先好唔同喎，成個場竟然係一個人都冇，咁我咪即係唔使錢包左個靚場？
見d散叫食物都唔係好吸引，飲品又要另外叫，見有個一百蚊都唔使嘅二人high tea，仲包兩杯熱飲，好，就叫呢個啦！
過左冇幾耐，好快個high tea就到啦。（梗係啦，得我地兩公婆一枱，後來先有多一兩班人幫襯）個賣相都唔錯喎（睇相就知），咸點有煙三文魚三文治、迷你咖喱角、烘鬆餅同蝦多士等，甜點就有藍莓撻、同朱古力Brownie等，整體來講，賣相唔錯，味道都幾好！（蝦多士最正，最好味，其他都唔錯，係個巴馬火腿茄子d火腿差d）
難得唔使錢包晒成個靚場，一於一邊食一邊望清楚個環境先，呢度嘅環境真是沒說的，大大塊玻璃大窗，望住外面無敵靚南區海景，裡面又有水母伴食，裝修陳設也見舒服，好配合水母的主題呢。
一句講晒，以一百蚊左右的價錢，在有無敵靚景欣賞的地方，悠閒地品嘗不錯的high tea下午茶，正！
記得不要在星期六、日或者假日同繁忙時段去先會感受到呢度的悠閒氣氛架！
Post
