Video
Read full review
2015-09-18
398 views
新請番黎嘅經理第一日番工，老細自然又要豪一餐啦……咁阿新經理就話近近地係ifc間新開嘅Ivy食，但係食D乜架呢？上Openrice就只係話法國菜，講到好闊姐！老老豆豆我就唔熟架啦，等老細拍板啦……一行五人去到，門面幾靚仔，金色加黑色簡潔又高貴咁樣，再望望咁大磚雲石，一望就知貴啦……眼角望下阿老細睇佢有無黑面，呀新黎個經理又好野喎！一路撩老細傾偈老細唔覺唔覺就行左入去，大家都鬆左口氣……話休絮煩，講下食左乜。一開波枱上面就D蕃茄呀、檸檬呀咁樣，仲有幾包麵包。但係我地當然就試左菜式先，先黎個Salade Nicoise，有熟蛋、吞拿魚、鯷魚、蕃茄、橄欖、羅馬生菜……新經理一路食一路介紹，好熟咁樣，話係南法好常見嘅沙律，味道唔錯，清清地又有鯷魚嘅咸鮮，我最鐘意咁樣既配搭！然後要左份Poached Octopus，八爪魚切薄片，唔似想像中咁韌，相反幾滑幾鮮甜，有驚喜！用嘅係橄欖油同埋簡單嘅調味，食落去簡單得黎有層次！然後就係Main course，第一道係Bouillabaisse，中文會叫馬賽魚湯……經理話……見到Ivy呢隻應該係豪華版，大大隻龍蝦放係個煲度，望到都覺得鮮甜，入面有魚有青口等
一行五人去到，門面幾靚仔，金色加黑色簡潔又高貴咁樣，再望望咁大磚雲石，一望就知貴啦……眼角望下阿老細睇佢有無黑面，呀新黎個經理又好野喎！一路撩老細傾偈老細唔覺唔覺就行左入去，大家都鬆左口氣……
話休絮煩，講下食左乜。一開波枱上面就D蕃茄呀、檸檬呀咁樣，仲有幾包麵包。但係我地當然就試左菜式先，先黎個Salade Nicoise，有熟蛋、吞拿魚、鯷魚、蕃茄、橄欖、羅馬生菜……新經理一路食一路介紹，好熟咁樣，話係南法好常見嘅沙律，味道唔錯，清清地又有鯷魚嘅咸鮮，我最鐘意咁樣既配搭！
然後要左份Poached Octopus，八爪魚切薄片，唔似想像中咁韌，相反幾滑幾鮮甜，有驚喜！用嘅係橄欖油同埋簡單嘅調味，食落去簡單得黎有層次！
然後就係Main course，第一道係Bouillabaisse，中文會叫馬賽魚湯……經理話……見到Ivy呢隻應該係豪華版，大大隻龍蝦放係個煲度，望到都覺得鮮甜，入面有魚有青口等等，湯飲落真係非常濃郁非常鮮甜，配上隨煲附上嘅麥包同吃，真係停唔到口！
再黎就係Iberica Milk Fed Lamb Leg，羊肉外脆內軟，烤得非常香口，而食落肉質十分嫩滑。配上一長條Merguez Sausage，同樣非常嘅香口多汁。好食！
然後係Whole Roasted Black Leg Chicken，採用法國嘅黑腳雞，加上黑松露同埋鵝肝－新經理已經講唔出D乜，我地自己搵個Waiter解俾我地聽。老實講我本身就麻麻地鵝肝，因為好多時都有陣怪味。但係呢度應該係用靚野，油潤得黎好柔和，我都食左幾啖！雞肉整得岩岩好，或者係因為用料？即使唔係脾翼位都整得好軟滑，好食！好好食！
最後黎一個Souffle收尾，就係簡單一個梳乎厘，輕輕中間篤開，倒入雲尼拿整成既汁，即刻聞到一陣好香既雲尼拿同橙味，食落十分有驚喜。
所有野望落好簡單，但係好講功夫，食到食材原味同當地特色。重點係服務幾好，大家去食可以隨時搵個Waiter問下菜式嘅特點、點整啊、係法國邊個地區嘅名菜之類。最後再最後，當然係賣單，係ifc……咁高質素既fine dining，幾錢就預左……當大家諗緊點收科既時候，新經理話佢岩岩去厠所個時埋左單啦！大家鬆一口氣，老細笑逐開顏！呀抵你做經理！
Post
